İnstitut rəhbərliyi bildirib ki, 17–22 may 2026-cı il tarixlərində Bakı şəhərində keçiriləcək bu beynəlxalq platforma şəhərsalma, dayanıqlı inkişaf və iqlim dəyişiklikləri kimi qlobal məsələlərin müzakirəsi üçün əhəmiyyətlidir və ölkəmizin beynəlxalq nüfuzunu gücləndirir.

Tədbir çərçivəsində institutun əməkdaşı Xosrov Kərimli “Şəhərsalmada yaşıllaşdırmanın əhəmiyyəti” mövzusunda məruzə ilə çıxış edərək şəhər mühitində yaşıl zonaların əhəmiyyəti və ekoloji davamlılığa töhfələri barədə fikirlərini bölüşüb.

Sonda WUF13 tədbirinə hazırlıq prosesinə həsr olunmuş mətbuat konfransı haqqında videoçarx nümayiş etdirilib. Video material qarşıdan gələn beynəlxalq tədbirə hazırlıq işlərinin gedişi, təşkilati məsələlər və gözlənilən nəticələr barədə məlumatların ictimaiyyətə çatdırılması baxımından əhəmiyyətli olub.